دیکھنا اہلِ جنوں، ساعتِ جہد آ پہنچی
اب کے توہینِ لبِ دار نہ ہونے پائے
اب کے کُھل جائیں خزانے نفَسِ سوزاں کے
اب کے محرومئ اظہار نہ ہونے پائے
یہ جو غدّار ہے اپنی ہی صفِ اول میں
یوں تو ہر جوہرِ گُفتار بڑا وصف، مگر
وجہِ بیمارئ کِردار نہ ہونے پائے
ایسے زخموں کی جراحت سے محبت سیکھو
جِن کو مرہم سے سروکار نہ ہونے پائے
دشت میں خونِ حسین ابنِ علی بہہ جائے
بیعتِ حاکمِ کُفّار نہ ہونے پائے
یہ نئی نسل اس انداز سے نکلے سرِ رزم
کہ مؤرّخ سے گنہگار نہ ہونے پائے
مصطفیٰ زیدی
No comments:
Post a Comment