بس یہی شمعیں بچی تھیں یہ بھی بُجھوا دی گئیں
اُنگلیاں میری عجائب گھر میں رکھوا دی گئیں
ایک گونگے کو مِلی پھر خُوش کلامی کی سند
میرے لفظوں کی زبانیں پھر ترشوا دی گئیں
اس کی جانب ہم نے چلنے کا ارادہ جب کیا
راستے کی ساری پہچانیں بدلوا دی گئیں
فصلِ گُل کا شہر میں ہونا دکھانے کے لئے
ہر طرف تصویریں برگ و گُل کی لگوا دی گئیں
دُور لے جائی گئی ساحل سے کشتی، اور پھر
بادباں کی رسیاں طُوفاں سے بندھوا دی گئیں
مشورہ دے کر مجھے اِک فیصلہ کُن جنگ کا
میری خبریں میرے دُشمن کو پہنچوا دی گئیں
راستے میں کیا بِچھائیں گے اگر وہ آ گیا
دھڑکنیں تو اب کے اظہرؔ گروی رکھوا دی گئیں
اُنگلیاں میری عجائب گھر میں رکھوا دی گئیں
ایک گونگے کو مِلی پھر خُوش کلامی کی سند
میرے لفظوں کی زبانیں پھر ترشوا دی گئیں
اس کی جانب ہم نے چلنے کا ارادہ جب کیا
راستے کی ساری پہچانیں بدلوا دی گئیں
فصلِ گُل کا شہر میں ہونا دکھانے کے لئے
ہر طرف تصویریں برگ و گُل کی لگوا دی گئیں
دُور لے جائی گئی ساحل سے کشتی، اور پھر
بادباں کی رسیاں طُوفاں سے بندھوا دی گئیں
مشورہ دے کر مجھے اِک فیصلہ کُن جنگ کا
میری خبریں میرے دُشمن کو پہنچوا دی گئیں
راستے میں کیا بِچھائیں گے اگر وہ آ گیا
دھڑکنیں تو اب کے اظہرؔ گروی رکھوا دی گئیں
اظہر ادیب
No comments:
Post a Comment