دن کو میں لوہے کی ایک مل میں مزدوری کرتا ہوں

دن کو میں لوہے کی ایک مِل میں مزدوری کرتا ہوں
شام کی اپنی نامکمل غزلیں پوری کرتا ہوں
میری گمنامی کا مؤجب ان لوگوں کی شہرت ہے
اپنے تن من دھن سے جن کی میں مشہوری کرتا ہوں
تم اپنے ان زہر بھرے پیالوں پر جتنے نازاں ہو
میں بھی رسمِ سقراط پر اتنی ہی مغروری کرتا ہوں
اس کی ساری خوشبو سپراؔ آج بھی مِل مالک لے جاتا ہے
لوہے کی ناف سے پیدا جو میں کستوری کرتا ہوں

ق

دن بھر تو بچوں کی خاطر میں مزدوری کرتا ہوں

شب کو اپنی غیر مکمل غزلیں پوری کرتا ہوں

کل تک ممکن ہے میں بھی بھرپور بغاوت کر بیٹھوں

آج اگرچہ شکوے باطرزِ جمہوری کرتا ہوں

تنویر سپرا