عمر بھر کاوشِ اظہار نے سونے نہ دیا
حرفِ ناگفتہ کے آزار نے سونے نہ دیا
دشت کی وسعتِ بے قید میں کیا نیند آتی
گھر کی قید، در و دیوار نے سونے نہ دیا
تھک کے سو رہنے کو رَستے میں ٹھکانے تھے بہت
ہوسِ سایۂ دیوار نے سونے نہ دیا
کبھی اقرار کی لذت نے جگائے رکھا
کبھی اندیشۂ انکار نے سونے نہ دیا
ہو گئی صبح، بدلتے رہے پہلو شب بھر
ایک کروٹ پہ دلِ زار نے سونے نہ دیا
حرفِ ناگفتہ کے آزار نے سونے نہ دیا
دشت کی وسعتِ بے قید میں کیا نیند آتی
گھر کی قید، در و دیوار نے سونے نہ دیا
تھک کے سو رہنے کو رَستے میں ٹھکانے تھے بہت
ہوسِ سایۂ دیوار نے سونے نہ دیا
کبھی اقرار کی لذت نے جگائے رکھا
کبھی اندیشۂ انکار نے سونے نہ دیا
ہو گئی صبح، بدلتے رہے پہلو شب بھر
ایک کروٹ پہ دلِ زار نے سونے نہ دیا
سلیم احمد
No comments:
Post a Comment