تیرے قریب آ کے بڑی الجھنوں میں ہوں

تیرے قریب آ کے بڑی الجھنوں میں ہوں​

میں دشمنوں میں ہوں کہ تیرے دوستوں میں ہوں 

مجھے سے گریز پا ہے تو ہر راستہ بدل 

میں سنگ راہ ہوں تو سبھی راستوں میں ہوں ​

اے یارِ خوش دیار! تجھے کیا خبر کہ میں ​

کب سے اداسیوں کے گھنے جنگلوں میں ہوں ​

تُو لُوٹ کر بھی اہل تمنا کو خوش نہیں ​

میں لُٹ کے بھی وفا کے انہیں قافلوں میں ہوں ​

بدلا نہ میرے بعد بھی موضوعِ گفتگو ​

میں جا چکا ہوں پھر بھی تِری محفلوں میں ہوں ​

مجھ سے بچھڑ کر تُو بھی روئے گا عمر بھر ​

یہ سوچ لے کہ میں بھی تیری خواہشوں میں ہوں ​

خود بھی مثالِ لالۂ صحرا، لہو، لہو ​

اور خود فرازؔ اپنے تماشائیوں میں ہوں ​

​

احمد فراز​