رِشتہ تشنہ لبی وقت سے جوڑا جائے
لمحے لمحے کی رگِ جاں کو نچوڑا جائے
لطف تو جب ہے سفر کا کہ مِرے ہمسفرو
اپنے سائے کو بھی رَستے میں نہ چھوڑا جائے
دل تجھے بھولنا چاہے بھی تو مشکل یہ ہے
شہرِ یاراں نہ سہی، دشت و بیاباں ہی سہی
سیلِ وحشت کو کسی سمت تو موڑا جائے
منصبِ شوق سے الجھی ہے سِناں کی خواہش
سر کو سنگِ درِ جاناں پہ نہ پھوڑا جائے
وہ پِگھلتا ہے کہاں ایک غزل سے محسنؔ
ایک تیشے سے تو کہسار نہ توڑا جائے
محسن نقوی
No comments:
Post a Comment