دونوں کا تیرے نقش قدم سے نشاں ہوا
میری جبیں ہوئی کہ ترا آستاں ہوا
خود جل رہی تھی شمع جلاتی کسی کو کیا
پروانہ دل کے سوز سے آتش بجاں ہوا
دنیا پہ کیسے راز محبت کا کھل گیا
تم نے کہا نہ میری روز سے عیاں ہوا
کیا کامیاب ہوتے ہم اس کی تلاش میں
کثرت یہ تھی نشاں کی کہ وہ بے نشاں ہوا
بے التفاتیوں کا تری جو ہے شکوہ مند
وہ چشمِ التفات کے قابل کہاں ہوا
مخصوص کیوں ہو جا مری سجدوں کے واسطے
تُو نے تو مشقِ جلوہ گری کی جہاں ہوا
دیر و حرم ہیں میری جبیں کے طواف میں
مسجودِ شوق جب سے ترا آستاں ہوا
افتادِ طبع نے مری بخشا اسے دوام
گو دل میں تیرے غم کا گزر ناگہاں ہوا
آصف کی سرگزشت قلمبند جب ہوئی
اب بت کا نام زیبِ سرِ داستاں ہوا
آصف بنارسی
No comments:
Post a Comment