عارفانہ کلام حمد نعت منقبت
خزاں کے مارے ہوئے جانبِ بہار چلے
قرارِ پانے زمانے کے بے قرار چلے
وہیں پہ تھام لیا ان کو دستِ رحمت نے
نبی کے در کی طرف جب گنہگار چلے
اے تاجدارِ جہاں! اے حبیبِﷺ رب کریم
وہ بھیک دو کہ غریبوں کا کاروبار چلے
سمجھ کے تاج سلیماں حضورﷺ کی نعلین
سروں پہ رکھ کے زمانے کے تاجدار چلے
ہمارے پاس ہی کیا تھا جو نذر کرتے انہیں
بس ایک دل تھا جسے کر کے ہم نثار چلے
ریاض ان کے کرم سے ہوئی ہے جیت اپنی
وگرنہ بازی تھے ہم زندگی کی ہار چلے
ریاض الدین سہروردی
No comments:
Post a Comment