عارفانہ کلام حمد نعت منقبت
اگر حضور کی چوکھٹ ہی روشنائی نہ دے
جہاں میں کوئی بھی شے دوستو دکھائی نہ دے
خدایا چھین لے ایسی مری سماعت کو
کہ کوئی نعت پڑھے اور مجھے سنائی نہ دے
درِ رسولﷺ سے ہو دور تو دعا ہے مری
کسی کو ایسی خدا پاک پارسائی نہ دے
مرے نصیب میں الفت نبیﷺ کی ایسی ہو
سوائے آپ کے کوئی مجھے سجھائی نہ دے
میں اس مکان میں ہرگز نہیں رہوں گا رضا
جہاں سے گنبدِ خضریٰ مجھے دکھائی نہ دے
محمد رضا نقشبندی
No comments:
Post a Comment