ٹھیک حالات کیوں نہیں کرتے
تُم کوئی بات کیوں نہیں کرتے
میں گر اتنا ہی یاد آتا ہوں
پھر ملاقات کیوں نہیں کرتے
دِن کو مِلتے ہو، میرے نام مگر
تُم کوئی رات کیوں نہیں کرتے
ہم سے بِچھڑو گے جی نہ پاؤ گے
ایسے خدشات کیوں نہیں کرتے
قِصے ماضی کے خوب، تُم لیکن
اب فتُوحات کیوں نہیں کرتے
بعض اوقات ہی محبت کیوں
بعض اوقات کیوں نہیں کرتے
کیا رکھا ہے غموں کو سہنے میں
تم مناجات کیوں نہیں کرتے
سالم احسان
No comments:
Post a Comment