حضور آپ کا رستہ ہی تو ہے راہ نجات

 عارفانہ کلام حمد نعت منقبت

لبوں کو چھو کے جو پانی بنا ہو آبِ حیات

اب اس کے سامنے کچھ بھی نہیں ہے قندونبات

حضورؐ آپ کے رستے سے ہٹ کے کیسے چلوں

حضورﷺ آپ کا رستہ ہی تو ہے راہِ نجات

حضورﷺ آپ کی خاطر ہی تو بنائے گئے

زمین و آسماں یعنی تمام کائنات

حضورﷺ آپ ہی کے دین کو ہمیشگی ہے

حضورﷺ آپ ہی کے دین کے لئے ہے ثبات

یہ شہر، شہرِ مدینہ ہے، عام شہر نہیں

یہاں سکون سے چلتا ہے کاروبارِ حیات

اکرم ناصر