نبضِ ایّام تِرے کھوج میں چلنا چاہے
وقت خود شیشۂ ساعت سے نکلنا چاہے
دستکیں دیتا ہے پیہم مِری شریانوں میں
ایک چشمہ کہ جو پتّھر سے اُبلنا چاہے
مجھ کو منظور ہے وہ سلسلۂ سنگِ گراں
کوہکن مجھ سے اگر وقت بدلنا چاہے
تھم گیا آ کے دمِ بازپسیں، لب پہ وہ نام
دل یہ موتی نہ اُگلنا، نہ نِگلنا چاہے
ہم تو اے دَورِ زماں خاک کے ذرے ٹھہرے
تُو تو پُھولوں کو بھی قدموں میں مَسلنا چاہے
کہہ رہی ہے یہ زمِستاں کی شبِ چاردہم
کوئی پروانہ جو اس آگ میں جلنا چاہے
صُبحدم جس نے اُچھالا تھا فضا میں خورشیدؔ
دل سرِ شام اُسی بام پہ ڈھلنا چاہے
وقت خود شیشۂ ساعت سے نکلنا چاہے
دستکیں دیتا ہے پیہم مِری شریانوں میں
ایک چشمہ کہ جو پتّھر سے اُبلنا چاہے
مجھ کو منظور ہے وہ سلسلۂ سنگِ گراں
کوہکن مجھ سے اگر وقت بدلنا چاہے
تھم گیا آ کے دمِ بازپسیں، لب پہ وہ نام
دل یہ موتی نہ اُگلنا، نہ نِگلنا چاہے
ہم تو اے دَورِ زماں خاک کے ذرے ٹھہرے
تُو تو پُھولوں کو بھی قدموں میں مَسلنا چاہے
کہہ رہی ہے یہ زمِستاں کی شبِ چاردہم
کوئی پروانہ جو اس آگ میں جلنا چاہے
صُبحدم جس نے اُچھالا تھا فضا میں خورشیدؔ
دل سرِ شام اُسی بام پہ ڈھلنا چاہے
خورشید رضوی
No comments:
Post a Comment