ذکر ان کا ابھی ہو بھی نہ پایا ہے زباں سے

عارفانہ کلام نعتیہ کلام

ذِکراُنؐ کا ابھی ہو بھی نہ پایا ہے زباں سے
دل میں یہ اُجالے اُتر آئے ہیں کہاں سے
لوں سانس بھی آہستہ کہ یہ جائے ادب ہے
تحریر کروں اسمِ نبیؐ، ہدیۂ جاں سے
کِرنیں سی چھٹک جائیں اسی حجرۂ دل میں
تُم اُنؐ کو پکارو تو "حضورؐ" دل و جاں سے
ہر دَور کی اُمید ہیں، ہر عہد کا پیغام
پہجان ہے اُنؐ کی نہ زمیں سے نہ زماں سے

وہ جس کی طلبگار ہے خود رحمتِ یزداں

زینت ہے دو عالم کی اُسی سرورواں سے

وہ خیر بشر، حسنِ ازل، نازشِ دوراں

آئینے اتر آئے ہیں محراب اذاں سے

کیوں قافلے والوں کو ابھی ہوش نہ آیا

منزل تو ملے گیا انہیں قدموں کے نشاں سے

یہ خوف، یہ صحرا، یہ کڑی دھوپ کے تیور

ہے آس بہت آپﷺ کے دامانِ داماں سے

اس نام کی خوشبو ہے وسیلہ بھی صلہ بھی

گزرے ہے صبا جیسے جہانِ گزراں سے

ادا جعفری