کبھی گریباں کے تار گنتے، کبھی صلیبوں پہ جان دیتے
گزر گئی زندگی ہماری، سدا یہی امتحان دیتے
بوقت شب خوں تمام بستی پہ خوف طاری تھا قاتلوں کا
سکوت شب کے اجاڑ گنبد میں ہم کہاں تک اذان دیتے
میں کس نگر کی ہوا سے پوچھوں میں کون صحرا کی خاک چھانوں
ہمارے لفظوں سے نُطق چھینا ہے اپنی محرومیوں نے ورنہ
سخنورو! ہم بھی اپنی بستی کے پتھروں کو زبان دیتے
سزا سنانے سے پیشتر منصفوں سے پَل بھر کو جو اذن ملتا
تو ہم بھی جرمِ انا کے حق میں کوئی ادھورا بیان دیتے
عداوتوں کے عذاب سورج نے اتنی مہلت نہ دی کہ محسنؔ
ہم اپنی جلتی زمیں کے سر پر کوئی بگولہ ہی تان دیتے
محسن نقوی
محسن نقوی
No comments:
Post a Comment