میں عاشقی میں تب سوں افسانہ ہو رہا ہوں

میں عاشقی میں تب سوں افسانہ ہو رہا ہوں
تیری نگاہ کا جب سوں دیوانہ ہو رہا ہوں
ای آشنا کرم سوں یک بار آ درس دے
تجھ باج سب جہاں سوں بیگانہ ہو رہا ہوں
باتاں لگن کی مت پوچھ اے شمع بزمِ خوبی
مدت سے تجھ جھلک کا پروانہ ہو رہا ہوں
شاید وہ گنجِ خوبی آوے کسو طرف سے
اس واسطے سراپا ویرانہ ہو رہا ہوں
سودائے زُلف خوباں رکھتا ہوں دل میں دائم
زنجیرِ عاشقی کا دیوانہ ہو رہا ہوں
بر جا ہے گر سنوں نئیں ناصح تیری نصیحت
میں جامِ عاشقی پی، مستانہ ہو رہا ہوں
کس سوں ولیؔ اُس کا احوال جا کہوں میں
سر تا قدم میں غم سوں دیوانہ ہو رہا ہوں

ولی دکنی