ایک عصرانہ
جانِ محفل ترا اندازِ سخن جو کچھ ہو
تری افتاد، ترے دل کی جلن جو کچھ ہو
تجھ کو آتا ہو ستاروں سے کنایہ کرنا
تُو نے سیکھا ہو خداؤں کو رعایہ کرنا
لفظ کی اوٹ میں کُھلتے ہوں معانی کیا کیا
بات بنتی ہو اشاروں کی زبانی کیا کیا
آج ٹُوٹا یہ طلسمِ لب و سحرِ امکاں
جب تری جُنبشِ ابرو سے نہ چٹکیں کلیاں
تُو نے تسخیر و تعلق کے لئے کیا نہ کیا
اس نے اظہار تو کیا وہمِ تمنا نہ کیا
اے کہ تُو شمعِ سرِ طور ہے کاشانوں میں
نام بھی نہ اُس نے پوچھا ترا مہمانوں میں
مصطفیٰ زیدی
جانِ محفل ترا اندازِ سخن جو کچھ ہو
تری افتاد، ترے دل کی جلن جو کچھ ہو
تجھ کو آتا ہو ستاروں سے کنایہ کرنا
تُو نے سیکھا ہو خداؤں کو رعایہ کرنا
لفظ کی اوٹ میں کُھلتے ہوں معانی کیا کیا
بات بنتی ہو اشاروں کی زبانی کیا کیا
آج ٹُوٹا یہ طلسمِ لب و سحرِ امکاں
جب تری جُنبشِ ابرو سے نہ چٹکیں کلیاں
تُو نے تسخیر و تعلق کے لئے کیا نہ کیا
اس نے اظہار تو کیا وہمِ تمنا نہ کیا
اے کہ تُو شمعِ سرِ طور ہے کاشانوں میں
نام بھی نہ اُس نے پوچھا ترا مہمانوں میں
مصطفیٰ زیدی
No comments:
Post a Comment