نم خوردہ بہت شعلہ جاں ہے کہ نہیں ہے

نم خوردہ بہت شعلۂ جاں ہے کہ نہیں ہے
ہر موجِ نفس آج دھواں ہے کہ نہیں ہے
نازک ہیں بہت اس کے خط و خال کی باتیں
محضر بھی کوئی پردگیاں ہے کہ نہیں ہے
احوال بھی پوچھا تو حریفانِ جنوں نے
اب داد طلب وحشتِ جاں ہے کہ نہیں ہے
وہسے تو یہ فردِ غمِ جاں جل نہ سکے گی
شعلہ کوئی نوخیز و جواں ہے کہ نہیں ہے
مجھ کو تو ہے بے خواب ہواؤں کو پرکھنا
آپ اپنی جگہ یہ غمِ جاں ہے کہ نہیں ہے
خوابِ در و دیوار لئے تیز ہوا میں
جاتی ہوئی شب عمرِ رواں ہے کہ نہیں ہے
ٹوٹا ہوا دل جادۂ دریافت پہ رکھنا
بنیادِ تغیر مری جاں ہے کہ نہیں ہے
ویسے تو محبت میں بہت جی کا زیاں ہے
بے دور محبت بھی زیاں ہے کہ نہیں ہے
جی سن کے ہوا بادہ کشو مے کی طلب سے
اس میں بھی کوئی شرطِ دُکاں ہے کہ نہیں ہے
محرابِ چراغِ رُخِ ایام ہے دنیا
ماتم گہہ چشمِ نگراں ہے کہ نہیں ہے

عزیز حامد مدنی ​