کہاں زمیں کے ضعیف زینے پہ چل رہی ہے
یہ رات صدیوں سے میرے سینے پہ چل رہی ہے
ہمارا جانا ہے اور سب کچھ ہے ڈوب جانا
یہ زندگی تو ہمارے جینے پہ چل رہی ہے
رواں ہے موجِ جنوں پہ احساس کا سفینہ
اور ایک تہذیب اس سفینے پہ چل رہی ہے
خمارِ خوابِ سحر، یہ دل اور تیری یادیں
ہَوا دبے پاؤں آبگینے پہ چل رہی ہے
میں مر گیا تو خبر نہیں اِن کا کیا بنے گا
دُکانِ یاراں تو صرف کینے پہ چل رہی ہے
گزر چکا ہے تِری جدائی کا سانحہ بھی
ہماری دھڑکن نئے قرینے پہ چل رہی ہے
سجاد بلوچ
یہ رات صدیوں سے میرے سینے پہ چل رہی ہے
ہمارا جانا ہے اور سب کچھ ہے ڈوب جانا
یہ زندگی تو ہمارے جینے پہ چل رہی ہے
رواں ہے موجِ جنوں پہ احساس کا سفینہ
اور ایک تہذیب اس سفینے پہ چل رہی ہے
خمارِ خوابِ سحر، یہ دل اور تیری یادیں
ہَوا دبے پاؤں آبگینے پہ چل رہی ہے
میں مر گیا تو خبر نہیں اِن کا کیا بنے گا
دُکانِ یاراں تو صرف کینے پہ چل رہی ہے
گزر چکا ہے تِری جدائی کا سانحہ بھی
ہماری دھڑکن نئے قرینے پہ چل رہی ہے
سجاد بلوچ
No comments:
Post a Comment