خوشبو ہے دو عالم میں تری اے گل چیدہ

عارفانہ کلام نعتیہ کلام

خوشبو ہے دو عالم میں تِری اے گُلِ چیدہ
کس منہ سے بیاں ہوں تِرے اوصافِ حمیدہ
تجھ سا کوئی آیا ہے نہ آئے گا جہاں میں
دیتا ہے گواہی یہی عالم🗺 کا جریدہ
اے ہادئ برحقﷺ! تِری ہر بات ہے سچی
دیدہ سے بھی بڑھ کر ہے تِرے لب سے شنیدہ
اے رحمتِ عالمﷺ! تِری یادوں کی بدولت
کس درجہ سکوں میں ہے مِرا قلبِ تپیدہ
تُو روحِ زمن، روحِ چمن، روحِ بہاراں
تُو جانِ بیاں، جانِ غزل، جانِ قصیدہ

حفیظ تائب