سفر کی داستاں ہوتے ہوئے بھی
زباں چپ ہے زباں ہوتے ہوئے بھی
تمنا ہے کوئی ہو دوست اپنا
ہجومِ دوستاں ہوتے ہوئے بھی
کہاں ہو دیدہ و دل کے مکینو
نہیں ہو تم یہاں ہوتے ہوئے بھی
کسی کا عکس روشن ہے کہیں پر
بہر سُو اک دھواں ہوتے ہوئے بھی
کوئی چہرہ دکھائی دے رہا ہے
غبارِ بے کراں ہوتے ہوئے بھی
وجود جسم و جاں کو ڈھونڈتا ہوں
وجودِ جسم و جاں ہوتے ہوئے بھی
بجے جاتا ہے سازِ رائیگانی
سکوتِ ناگہاں ہوتے ہوئے بھی
بڑھے جاتی ہے ویرانی دلوں کی
گھروں میں کھڑکیاں ہوتے ہوئے بھی
یہاں پر میرِ خستہ کی سند ہے
تِرے غالب بیاں ہوتے ہوئے بھی
حماد نیازی
زباں چپ ہے زباں ہوتے ہوئے بھی
تمنا ہے کوئی ہو دوست اپنا
ہجومِ دوستاں ہوتے ہوئے بھی
کہاں ہو دیدہ و دل کے مکینو
نہیں ہو تم یہاں ہوتے ہوئے بھی
کسی کا عکس روشن ہے کہیں پر
بہر سُو اک دھواں ہوتے ہوئے بھی
کوئی چہرہ دکھائی دے رہا ہے
غبارِ بے کراں ہوتے ہوئے بھی
وجود جسم و جاں کو ڈھونڈتا ہوں
وجودِ جسم و جاں ہوتے ہوئے بھی
بجے جاتا ہے سازِ رائیگانی
سکوتِ ناگہاں ہوتے ہوئے بھی
بڑھے جاتی ہے ویرانی دلوں کی
گھروں میں کھڑکیاں ہوتے ہوئے بھی
یہاں پر میرِ خستہ کی سند ہے
تِرے غالب بیاں ہوتے ہوئے بھی
حماد نیازی
No comments:
Post a Comment