فیس بک پہ ڈالا اس کا لاسٹ سٹیٹس

 آدھے روشن کمرے میں

دیواروں پہ کچھ تصویریں ہیں

جن کے ہاتھ اور پاؤں بندھے ہوئے ہیں

عجیب غریب سے خاکے ہیں کچھ

بیڈ کے اوپر ذہنی سکون دلانے والی 

گولیوں کے خالی پنّے ہیں

بھن بھن کرتی مکھیاں ہیں کچھ

پنکھے سے لٹکا لاشہ ہے

فیس بک پہ،  ڈالا اس کا

لاسٹ سٹیٹس چیخ رہا ہے 

یارو میں کچھ ٹھیک نہیں ہوں

یارو کچھ بھی ٹھیک نہیں ہے

یارو پلیز بچا لو مجھ کو

میری دنیا رکی پڑی ہے

نیچے ڈھیر سے کامنٹس ہیں کہ

ہاہاہا ہاہاہا

ہو ہو ہو ہو ہو ہو

"تیرے رنڈی رونے نئی مُکدے "

عثمان نیاز