تمنا گر ہے جنت کی تجھے زاہد عبادت کر

 تمنا گر ہے جنت کی تجھے زاہد عبادت کر

کمالِ بندگی گر چاہئے سب سے محبت کر

خلافت کر تو قائم پھر زمانے میں صداقت کی

کہ دے کر جان اپنی دینِ حق کی تو حفاظت کر

اخوّت اور محبت کی سدا تو پاسداری رکھ

تفرّق جو کرے آپس میں پیدا ان سے نفرت کر

کوئی تو ربط قائم ہو تیرا اسلافِ حق سے یوں

کہ ہو کرصاحبِ اوصاف ملّت کی امامت کر

فریبِ لذّتِ دنیا سے ہو کر تو کنارہ کش

کرے جو آشنا خود سے تجھے، پیدا وہ چاہت کر

امانت ہے تری یہ زندگی رب کی عطا ہے سب

نہ شوقِ جستجو خوفِ خدا میں یوں خیانت کر

مقدر میں لکھا ہے جو ملے گا بس وہی محسن

متاعِ جان و دنیا کی عبث میں یوں نہ حسرت کر

محسن کشمیری