محوِ حیرت ہے یہ جہاں کیسے
دیکھو اجڑا ہے آشیاں کیسے
درد آنکھوں سے ہو بیاں کیسے
اشک پلکوں پہ ہو رواں کیسے
مجھ سے کردار نے یہ پوچھا ہے
روٹھ جاتی ہے داستاں کیسے
بات دل کی جو تم سے کہنی تھی
وہ رہی آج تک نہاں کیسے
تیرے ہوتے ہوئے بتا مجھ کو
میری منزل ہے بے نشاں کیسے
جب محبت دلوں میں زندہ تھی
بھول جاؤں میں وہ سماں کیسے
صبر آ ہی گیا ردا کو مگر
دیکھ نکلی ہے اس کی جاں کیسے
فوزیہ اختر ردا
No comments:
Post a Comment