ہزاروں بار جو بنتے ہیں محور ٹوٹتے ہیں
مِرے بستر پہ سارے خواب تھک کر ٹوٹتے ہیں
ٹپکتا ہے کسی تصویر سے جب لمس اُس کا
مِری آغوش میں آ کر سمندر ٹوٹتے ہیں
تمہارے بعد ہاتھوں پر نہیں جچتی یہ گھڑیاں
الجھ کر خود سے اب لمحوں کے یاور ٹوٹتے ہیں
ابلتی ہیں تماشوں پر یہاں لوگوں کی آنکھیں
ہمارے اشک بھی سینے کے اندر ٹوٹتے ہیں
کسی کا نام ہونٹوں پر بس اک دن جھلملایا
ستارے تب سے آ کر میری چھت پر ٹوٹتے ہیں
نوید ملک
No comments:
Post a Comment