تیرے مرے میان جو دیوار بھی نہیں

 تیرے مِرے میان جو دیوار بھی نہیں

دنیا میں ایسا اور کوئی معیار بھی نہیں

ہم نے ازل سے جھوٹ کو ہی جھوٹ ہے کہا

یہ کیا ہوا جو ہاتھ میں تلوار بھی نہیں

جو دشت کربلا کے ستم دیکھتا نہیں

اس کی نظر میں طاقتِ دیدار بھی نہیں

گر میرا ہم خیال مِرے ساتھ یوں رہے

رستہ مِرے لیے کوئی دشوار بھی نہیں

احساس جس کے جسمِ، توانا میں ہو رواں

واللہ اس سا کوئی بھی خودار بھی نہیں

دل کس قدر ہے اب غمِ دنیا میں کھو گیا

تجھ سے بچھڑ کے تیرا طلبگار بھی نہیں

قاسم خیال ظالِموں کا سرغنہ ہے وہ

حق بات بولنے کو جو تیار بھی نہیں

قاسم خیال