عارفانہ کلام حمد نعت منقبت
ظہور شان رسالت مآبؐ کیا کہنا
نمود حُسنِ حقیقت مآب کیا کہنا
تمہارا حُسن ہوا لا جواب کیا کہنا
تمہاری ذات ہوئی انتخاب کیا کہنا
فرشتے آتے ہیں در پر ادب سے سربسجود
وہ بارگاہِ الہیٰ جناب کیا کہنا
کھڑے ہیں رُوحِ امیں آئے دن سلامی کو
وہ بارگاہِ رسالت مآبؐ کیا کہنا
وفورِ ورد و مسرت یہ گریۂ پیہم
جبینِ ذوق و درِ آنجناب کیا کہنا
مجالِ دِید کِسے، گر نقاب اُٹھ جائے
تمہارے چہرۂ انور کے تاب کیا کہنا
تمام عالمِ امکاں تلاشِ یار میں ہے
صفات و ذات میں یہ اجتناب کیا کہنا
عابد بریلوی
No comments:
Post a Comment