ہر طرف کوفہ صفت راج یہاں ہے ہاں ہے

 جو تِرے جسم کو چکھ لے وہ جواں ہے، ہاں ہے

جسے تُو مل نہ سکا نوحہ کناں ہے، ہاں ہے 

ایک میں ہوں کہ جسے بس تو میسّر ہی نہیں 

ورنہ اک دنیا مِری سمت رواں ہے ہاں ہے 

وحشتِ شب نے کہا، ہے بھی عزادار کوئی

ہجر سے آنکھ مِری گریہ کناں ہے، ہاں ہے

گر تِرا تزکرہ غزلوں میں مِری ہوتا نہیں 

شعر کیا! ہونا مِرا ہوتا زیاں ہے، ہاں ہے

بے خطا دھر لیے جاتے ہیں یہاں پر معصوم 

ہر طرف کُوفہ صِفت راج یہاں ہے، ہاں ہے

جن کے بل بُوتے پہ للکارا تھا دُشمن میں نے

ان کے ہی ہاتھ بغاوت کی کماں ہے ہاں ہے 

مُدتوں  بھید تِرا کُھل نہ سکا جب مجھ پر 

اپنے ہونے کا مجھے تب سے گُماں ہے ہاں ہے

عامر بلوچ