اس قدر تلخ نہ ہو خام خیالی نہ سمجھ
ظلِ سبحانی مِرے طنز کو گالی نہ سمجھ
ہو بھی سکتا ہے کوئی قرض چُکانے والا
در پہ آیا ہوا ہر شخص سوالی نہ سمجھ
شدتِ اشکِ تپاں کو نظر انداز نہ کر
چشم خونناب کو چائے کی پیالی نہ سمجھ
دم کیا ہے اسے، دہقان نے پھونکا ہوا ہے
خاک کو شہد کی تاثیر سے خالی نہ سمجھ
گال سکتی ہے فلک آہِ تپیدہ قاسم
اس دہکتی ہوئی بھٹی کو کٹھالی نہ سمجھ
جاوید قاسم
No comments:
Post a Comment