ساقی کی نظر عیش گریزاں تو نہیں ہے
یہ گردشِ مے گردشِ دوراں تو نہیں ہے
گلشن میں کہیں جشنِ بہاراں تو نہیں ہے
گل چاک گریباں سہی خنداں تو نہیں ہے
اے چارہ گرو! چارہ گری کھیل نہ سمجھو
یہ چاکِ جگر، چاکِ گریباں تو نہیں ہے
ممکن ہے چہرے پہ مِرے رنگِ خزاں ہو
صر صر مِرے دامِ بہاراں تو نہیں ہے
مرعوب نہ کر خُلد کو صاف سودائی
ارے جنت ہی تو ہے کوچۂ جاناں تو نہیں ہے
طفیل احمد جمالی
No comments:
Post a Comment