سنا ہے قندوز میں بچے مرے ہیں

 سُنا ہے قُندوز میں بچے مرے ہیں

مجھے سری دیوی کا غم ہے

میں اسٹیفن پہ آنسو بہا رہا ہوں

دونوں کو جنت لے جانا چاہ رہا ہوں

خونِ مُسلم بہت ارزاں ہے

تم کیوں غمگین ہو

مجھے دیکھو

کِن پہ آنسو بہا رہا ہوں

چھوڑو ناں؛ بچے حافظ تھے

کون سا کیمبرج میں پڑھتے تھے

کون سا انہیں انجینئر بننا تھا

یہ کیا خاک ڈاکٹر بنتے

ارے چھوڑو

 یہ کون سا کسی ماں کے لعل ہوں گے

ان کی بہنوں کے تو بہت سے بھائی ہوں گے

میں فرانس پر روتا ہوں

میں گوروں کے بچوں پر روتا ہوں

افسروں کے بچوں پر روتا ہوں

چُپ کرو یہ اپنا رونا دھونا

اس سے میرے گیتوں کی تال بگڑ رہی ہے

رقص میں ڈُوبی چال بِگڑ رہی ہے

کوئی بہت رو رہا ہے، مجھے کیا؟

سُنا ہے قُندوز میں بچے مرے ہیں

صہیب جمال