رندان تہی جام ہیں کچھ اور طرح کے
یارانِ مئے آشام ہیں کچھ اور طرح کے
کیا جانیے کافر ہیں کہ مومن ہیں مگر ہم
سرگشتۂ اوہام ہیں کچھ اور طرح کے
بکتے ہیں نہ جھکتے ہیں نہ رکھتے ہیں عداوت
ہم بندۂ بے دام ہیں کچھ اور طرح کے
تعمیرِ دلِ زار ہے کچھ اور طرح کی
اس گھر کے در و بام ہیں کچھ اور طرح کے
چلتی ہے رساؔ عشق میں بس دل کی گواہی
ہر چند کہ احکام ہیں کچھ اور طرح کے
یارانِ مئے آشام ہیں کچھ اور طرح کے
کیا جانیے کافر ہیں کہ مومن ہیں مگر ہم
سرگشتۂ اوہام ہیں کچھ اور طرح کے
بکتے ہیں نہ جھکتے ہیں نہ رکھتے ہیں عداوت
ہم بندۂ بے دام ہیں کچھ اور طرح کے
تعمیرِ دلِ زار ہے کچھ اور طرح کی
اس گھر کے در و بام ہیں کچھ اور طرح کے
چلتی ہے رساؔ عشق میں بس دل کی گواہی
ہر چند کہ احکام ہیں کچھ اور طرح کے
رسا چغتائی
No comments:
Post a Comment