دامن دل پہ نہیں بارش الہام ابھی

دامنِ دل پہ نہیں بارشِ الہام ابھی
عشق ناپختہ ابھی، جذبِ دروں خام ابھی
خود ہی جھجکتا ہوں کہ دعوائے جنوں کیا کیجئے
کچھ گوارا بھی ہے یہ قید در و بام ابھی
یہ جوانی تو ابھی مائل پیکار نہیں
یہ جوانی تو ہے رسوائے مے و جام ابھی
واعظ و شیخ نے سر جوڑ کے بدنام کِیا
ورنہ بدنام نہ ہوتی مئے گلفام ابھی
میں بصد فخریہ زہاد سے کہتا ہوں مجازؔ
مجھ کو حاصل، شرفِ بیعتِ خیام ابھی

اسرار الحق مجاز
(مجاز لکھنوی)