تھا حرفِ شوق صید ہوا کون لے گیا
میں جس کو سن سکوں وہ صدا کون لے گیا
اک میں ہی جامہ پوش تھا عُریانیوں کے بیچ
مجھ سے مِری عبا و قبا کون لے گیا
احساس بِکھرا بِکھرا سا، ہارا ہُوا بدن
چڑھتی حرارتوں کا نشہ کون لے گیا
باتوں کا حُسن ہے نہ کہیں شوخئ بیاں
شہرِ نوا سے حرف و صدا کون لے گیا
میں کب سے ہوں اسیر سرابوں کے جال میں
نیلے سمندروں پہ گھٹا کون لے گیا
میخانہ چھوڑ گھر کی فضاؤں میں آ گئے
ہم سے متاعِ لغزشِ پا کون لے گیا
میں جب نہ تھا تو مجھ پہ بہت قہقہے لگے
احباب سے سرشتِ وفا کون لے گیا
میں جس کو سن سکوں وہ صدا کون لے گیا
اک میں ہی جامہ پوش تھا عُریانیوں کے بیچ
مجھ سے مِری عبا و قبا کون لے گیا
احساس بِکھرا بِکھرا سا، ہارا ہُوا بدن
چڑھتی حرارتوں کا نشہ کون لے گیا
باتوں کا حُسن ہے نہ کہیں شوخئ بیاں
شہرِ نوا سے حرف و صدا کون لے گیا
میں کب سے ہوں اسیر سرابوں کے جال میں
نیلے سمندروں پہ گھٹا کون لے گیا
میخانہ چھوڑ گھر کی فضاؤں میں آ گئے
ہم سے متاعِ لغزشِ پا کون لے گیا
میں جب نہ تھا تو مجھ پہ بہت قہقہے لگے
احباب سے سرشتِ وفا کون لے گیا
زبیر رضوی
No comments:
Post a Comment