ماں
عظیم مرتبہ ہستئ دوجہاں کہئے
وجودِ نوعِ بشر کی ہے داستاں کہئے
خدا کے قُرب و محبت کا ارمغاں کہئے
سفر حیات کا جس سے ہو جاویداں کہئے
اسے سُکون و تحفّظ کا سائباں کہئے
یا وُسعتوں کے لئے ایک آسماں کہئے
زمیں کے جیسا حسِیں پیکرِ جہاں کہئے
محبتوں کا سمندر ہے بے کراں کہئے
جو دُوریوں میں بھی قُربت کا ہو نشاں کہئے
گُلوں کی خُوشبو بہاروں کا کارواں کہئے
خلُوص، پیار، محبت کا ترجماں کہئے
دلوں کو جوڑے جو بندھن وہ مہرباں کہئے
عداوتوں میں محبت کی اِک زباں کہئے
مِٹا کے تیرگی روشن کرے جہاں کہئے
چمکتی راہ کی منزل یا کہکشاں کہئے
خُوشی کے رنگ بکھیرے وہ آشیاں کہئے
بہشت پاؤں تلے جس کے ہے نہاں کہئے
خیالؔ پیار محبت سے اس کو ماں کہئے
وجودِ نوعِ بشر کی ہے داستاں کہئے
خدا کے قُرب و محبت کا ارمغاں کہئے
سفر حیات کا جس سے ہو جاویداں کہئے
اسے سُکون و تحفّظ کا سائباں کہئے
یا وُسعتوں کے لئے ایک آسماں کہئے
زمیں کے جیسا حسِیں پیکرِ جہاں کہئے
محبتوں کا سمندر ہے بے کراں کہئے
جو دُوریوں میں بھی قُربت کا ہو نشاں کہئے
گُلوں کی خُوشبو بہاروں کا کارواں کہئے
خلُوص، پیار، محبت کا ترجماں کہئے
دلوں کو جوڑے جو بندھن وہ مہرباں کہئے
عداوتوں میں محبت کی اِک زباں کہئے
مِٹا کے تیرگی روشن کرے جہاں کہئے
چمکتی راہ کی منزل یا کہکشاں کہئے
خُوشی کے رنگ بکھیرے وہ آشیاں کہئے
بہشت پاؤں تلے جس کے ہے نہاں کہئے
خیالؔ پیار محبت سے اس کو ماں کہئے
اسماعیل اعجاز خیال
No comments:
Post a Comment