خود پر بھی پوری طرح ابھی کب عیاں ہوں میں
تجھ کو گِلہ ہے تیری نظر سے نہاں ہوں میں
واقف نہیں ہے میری ابھی تشنگی سے تُو
دریا کو پی کے بحر کی جانب رواں ہوں میں
جلتے ہوئے چراغ میں تھا میں ہی روشنی
اُڑتا ہوا ہواؤں میں اب اک دُھواں ہوں میں
میں ہی بچھا ہوا ہوں سرِ خاک مجھ کو دیکھ
سر پر تنا ہوا بھی کوئی آسماں ہوں میں
کیسے سمیٹ لے گا مجھے بازوؤں میں تُو
پھیلا ہوا خلا میں کراں تا کراں ہوں میں
تکمیل ہو رہا ہوں کسی اور رنگ میں
یہ جو دکھائی دیتا تمہیں رائیگاں ہوں میں
تجھ کو گِلہ ہے تیری نظر سے نہاں ہوں میں
واقف نہیں ہے میری ابھی تشنگی سے تُو
دریا کو پی کے بحر کی جانب رواں ہوں میں
جلتے ہوئے چراغ میں تھا میں ہی روشنی
اُڑتا ہوا ہواؤں میں اب اک دُھواں ہوں میں
میں ہی بچھا ہوا ہوں سرِ خاک مجھ کو دیکھ
سر پر تنا ہوا بھی کوئی آسماں ہوں میں
کیسے سمیٹ لے گا مجھے بازوؤں میں تُو
پھیلا ہوا خلا میں کراں تا کراں ہوں میں
تکمیل ہو رہا ہوں کسی اور رنگ میں
یہ جو دکھائی دیتا تمہیں رائیگاں ہوں میں
سلیم فگار
No comments:
Post a Comment