یہ سوچ کر کہ غم کے خریدار آ گئے

یہ سوچ کر کہ غم کے خریدار آ گئے 

ہم خواب بیچنے سرِ بازار آ گئے 

یوسفؑ نہ تھے مگر سرِ بازار آ گئے 

خوش فہمیاں یہ تھیں کہ خریدار آ گئے 

اب دل میں حوصلہ نہ سکت بازوؤں میں ہے 

اب کہ مقابلے پہ میرے یار آ گئے 

آواز دے کے چھپ گئی ہر بار زندگی 

یم ایسے سادہ دل تھے کہ ہر بار آ گئے 

ہم کج ادا چراغ کہ جب بھی ہوا چلی

طاقوں کو چھوڑ کر سرِ دیوار آ گئے 

سورج کی روشنی پہ جنہیں ناز تھا فراز

وہ بھی تو زیرِ سایۂ دیوار آ گئے 

احمد فراز