لفظ ٹوٹے لبِ اظہار تک آتے آتے
مر گئے ہم تِرے معیار تک آتے آتے
ہم کو معلوم تھا آسودگی قسمت میں نہیں
جل گئے سایۂ دیوار تک آتے آتے
کس طرح سَلب ہوئی قوتِ گویائی بھی
ہم سمجھتے تھے کہ کچھ وقت لگے گا شاید
ایک انکار کو اقرار تک آتے آتے
ایک لمحے کی مسافت بھی بڑی ہوتی ہے
ہم کو تو عُمر لگی یار تک آتے آتے
پُھول تخلیق کیے، موسمِ گُل نے اُن سے
رَنج کھینچے تھے جو اشجار تک آتے آتے
اپنی کشتی کو ڈبویا نہیں طُغیانی نے
رہ گئے ہاتھ ہی پتوار تک آتے آتے
سعدؔ یہ بات سمجھ میں نہیں آنے والی
آ ہی جاتا ہے کوئی دار تک آتے آتے
سعد اللہ شاہ
No comments:
Post a Comment