میلے میں گَر نظر نہ آتا رُوپ کسی متوالی کا
پِھیکا پِھیکا رہ جاتا تہوار بھی اس دِیوالی کا
مایوں بیٹھے رُوپ سرُوپ کے روگ سے واقف لگتی ہے
آنچل بھیگا جاتا ہے اس دُلہن کی شاہبالی کا
برتن برتن چیخ رہی تھی کون سمجھتا اُس کی بات
گال کی جانب جھکتی ہے، شرماتی ہے، ہٹ جاتی ہے
آج ارادہ ٹھیک نہیں ہے جان تمہاری بالی کا
شہزادے! تلوار تھما دے اب دربان کے ہاتھوں میں
کہہ دے، خالی ہاتھ نہ جائے اب کے بار سوالی کا
پھر ممتازؔ کسی کی یادیں کُونجیں بن کر لوٹیں گی
موسم آنے والا ہے پھر زخموں کی ہریالی کا
ممتاز گورمانی
No comments:
Post a Comment