ہر وقت فکرِ مرگِ غریبانہ چاہیئے
صحت کا ایک پہلو مریضانہ چاہیئے
دنیائے بے طریق میں جس سمت بھی چلو
رَستے میں اِک سلامِ رفیقانہ چاہیئے
آنکھوں میں اُمڈے روح کی نزدیکیوں کے ساتھ
کیا پستیوں کی ذلتیں، کیا عظمتوں کے فوز
اپنے لیے عذابِ جُداگانہ چاہیئے
اب دردِ شش بھی سانس کی کوشش میں ہے شریک
اب کیا ہو، اب تو نیند کو آ جانا چاہیئے
روشن ترائیوں سے اُترتی ہوا میں آج
دو چار گام لغزشِ مستانہ چاہیئے
مجید امجد
No comments:
Post a Comment