روح پہ اب افتاد کوئی آئے تو گھبرا جاتی ہے

رُوح پہ اب اُفتاد کوئی آئے تو گھبرا جاتی ہے

رہ رہ کر جب یاد کوئی آئے تو گھبرا جاتی ہے

آنکھ نے اتنے شہر اُجڑتے دیکھے ہیں کہ رَستے میں

اب بستی آباد کوئی آئے تو گھبرا جاتی ہے

وہ لڑکی جو دُشمن کا ہر حملہ ہنس کے سہتی ہے 

اپنوں کی امداد کوئی آئے تو گھبرا جاتی ہے

اس کو ویرانوں سےگھوراندھیروں سے کچھ خوف نہیں

لیکن آدم زاد کوئی آئے تو گھبرا جاتی ہے

دل میں اتنی گہری چُپ ہے، اتنا گُم سناٹا ہے

بُھولی بھٹکی یاد کوئی آ جائے تو گھبرا جاتی ہے

دل اس شہر میں جیسے اِک پَر ٹُوٹی تن تنہا چڑیا

جنگل میں صیاد کوئی آئے تو گھبرا جاتی ہے

فرحت عباس شاہ