عارفانہ کلام منقبت سلام مرثیہ
ہم بھی ہیں دِیدۂ خوں بار کو دھونے والے
اِس طرف دیکھ نئے زخم پرونے والے
کربلا تیرے مقدر کا ستارہ جاگا
آن پہنچے ہیں تِری خاک پہ سونے والے
اب یہاں پر کئی شہکار نظر آئیں گے
فصلِ گِریہ نے عجب رنگ جمایا ہے یہاں
گھر سے گلیوں میں نکل آئے ہیں رونے والے
قتلِ شبیرؓ پہ دیتے ہیں مبارکبادیں
پشتِ بیمار پہ یہ نیزے چبھونے والے
کربلا فرشِ زمیں پر بھی فلک جیسی ہے
کام ہوتے ہیں یہاں سارے نہ ہونے والے
دیکھ عباسؓ نے مشکیزہ اٹھایا ہوا ہے
دیکھ عباسؓ ہیں دریا کو ڈبونے والے
عارف امام
No comments:
Post a Comment