سفر میں دھوپ تو ہو گی جو چل سکو تو چلو

سفر میں دھوپ تو ہو گی جو چل سکو تو چلو

سبھی ہیں بِھیڑ میں تم بھی نکل سکو تو چلو

ادھر ادھر کئی منزلیں ہیں جو چل سکو تو چلو

بنے بنائے ہیں سانچے جو ڈھل سکو تو چلو

کسی کے واسطے راہیں کہاں بدلتے ہیں 

تم اپنے آپ کو خود ہی بدل سکو تو چلو

یہاں کسی کو کوئی راستہ نہیں دیتا 

مجھے گِرا کے اگر تم سنبھل سکو تو چلو

یہی ہے زندگی، کچھ خواب، کچھ امیدیں 

انہی کھلونوں سے اگر تم بھی بہل سکو تو چلو

ہر ایک سفر کو ہے محفوظ راستوں کی تلاش

حفاظتوں کی روایت بدل سکو تو چلو

کہیں نہیں کوئی سورج، دھواں دھواں ہے فضا

خود اپنے آپ سے باہر نکل سکو تو چلو

ندا فاضلی