اب مِرے قتل کا الزام نہ تقدیر پہ رکھ
ہاتھ سینے سے اُٹھا، قبضۂ شمشیر پہ رکھ
میری تصویر پہ اے پھول چڑھانے والے
میرے قاتل کا عمامہ مِری تصویر پہ رکھ
میری تحریر مِرے خون سے لِکھی گئی ہے
تُو نے شاعر کو رجَز خوانی پہ مجبور کِیا
تجھ میں ہمت ہے تو پہرا مِری تقریر پہ رکھ
میری زنجیر کا لوہا ہے، چَھنک جاتا ہے
اب کوئی طوقِ اُٹھا اور مِری زنجیر پہ رکھ
ہو چکا حرفِ تسلی کا تکلف بے کار
لا کوئی اشکِ ندامت، کفِ دِلگیر پہ رکھ
عارف امام
No comments:
Post a Comment