نظر مِلا کے ذرا دیکھ مت جھُکا آنکھیں
بڑھا رہی ہیں نگاہوں کا حوصلہ آنکھیں
جو دل میں عکس ہے آنکھوں سے بھی وہ چھلکے گا
دل آئینہ ہے مگر دل کا آئینہ آنکھیں
وہ اک ستارہ تھا جانے کہاں گرا ہو گا
قریبِ جاں دَمِ خلوت مگر سرِ محفل
ہیں اجنبی سے بھی بڑھ کر وہ آشنا آنکھیں
غمِ حیات نے فرصت نہ دی ٹھہرنے کی
پکارتی ہی رہیں مجھ کو سدا آنکھیں
تباہیوں کا کسی نے اگر سبب پوچھا
زبانِ حال نے بے ساختہ کہا آنکھیں
جھٹک چکا تھا میں گردِ ملال چہرے سے
چھپا سکیں نہ مگر دل کا ماجرا آنکھیں
یہ اس کا طرزِ تخاطب بھی خوب ہے محسنؔ
رُکا رُکا سا تبسم، خفا خفا آنکھیں
محسن بھوپالی
No comments:
Post a Comment