ابھی جو شعر سنے تم نے ابتدا کے مِرے
یہ سارے حرف ہیں بھائی کسی دعا کے مِرے
فقط کتابیں نہیں، خواب بھی پڑے ہوئے ہیں
تُو دیکھ سکتا ہے کمرے میں یار جا کے مِرے
سنا ہے شہر کے بچوں میں اس کا چرچا ہے
مجھے چراغ کی عزت کا پاس ہے، ورنہ
ہوا تو پاؤں پکڑتی ہے روز آ کے مِرے
اسے میں پھول نہ کرتا تو اور کیا کرتا
کسی نے سامنے رکھی تھی آگ لا کے مِرے
اب اور خاک پزیرائی ہو کہ لوگوں نے
خدا کو رام کیا ہے بھجن سنا کے مِرے
پھر اس کے بعد مجھے نیند آ گئی عامیؔ
کسی نے شور مچایا، وہ پاس آ کے مِرے
عمران عامی
No comments:
Post a Comment