ہے عجب تمہارا موسم دل و دیدہ رائیگاناں

ہے عجب تمہارا موسم دل و دیدہ رائیگاناں

نہ وصالِ جان و جاناں، نہ فراقِ جان و جاناں

دَم نِیم شب سے پہلے نہ بکهر رہے یہ محفل

ہیں فروغِ شب کہاں گم وہ دراز داستاناں

نہیں جُز غبار کچھ بهی تِرے دامنِ فضا میں

ہوئے گم کہاں بیاباں، وہ غبارِ کارواناں

وہ پسِ دریچہ کب سے ہے اس آرزو میں یارو

کہ جمے ذرا گلی میں صفِ طعنہ بر زباناں

رہے جس کی جیب سایہ بهی تہی نہ روشنی سے

وہی زندگی کریں گے تِرے شعلہ آشیاناں

مِری جان تجھ سے اب بهی نہیں بے معاملہ میں

میں گِلہ کناں ہوں کب سے، ہیں کہاں گِلہ رساناں

جون ایلیا