اپنے سر کیوں غیر کا احسان لو
خود پرکھ لو، مجھ کو تم، پہچان لو
تم پہ صدقے، جان لو، ایمان لو
ہاں، مگر ہم کو تو اپنا جان لو
جانتے تو ہو، ہمیں پہچان لو
ہم تمہارے تھے، تمہارے ہی رہے
تم کبھی اپنا ہمیں گردان لو
اشک اُمڈ آئے ہیں اُن کے رُوبرو
"آ گئے بے وقت کے مہمان "لو
ہو سکے تم سے تو سن لو ایک بات
"یہ نہیں کہتا کہ "میری مان لو
وہ سرِ بالِیں نہ آئیں گے نصیرؔ
وقت آ پہنچا ہے، لمبی تان لو
سید نصیرالدین نصیر
No comments:
Post a Comment