بس میں کر ان انگلیوں کے تو نہ پوروں کو حنا
ہاتھ لگ جائے تو دوں میں تجھ کو چوروں کو حنا
اہلِ دنیا کے کب آیا رنگ درویشی کا ہاتھ
کیا لگانا چاہئے ہاتھوں میں گوروں کو حنا
اے صبا کیا منہ ہے جو دعوائے ہمرنگی کرے
سرخرو مہندی لگا کر کیا ہو معشوقِ حبش
جب لگائے بیٹھے تُو ہاتھوں میں گوروں کو حنا
در پہ لگواتا ہے گر اپنے شہیدوں کی سبیل
تو پھر اے قاتل! لگا تُو آب خوروں کو حنا
ناخنِ انگشت دستِ مہوشاں کو کر کے سرخ
مثلِ اخگر کر دکھاتی ہے چکوروں کو حنا
رکھ دل پر داغ مت اس کا خیال خطِ سبز
پاؤں سے ملتے نہیں دیکھا ہے موروں کو حنا
دل سے تو پس جائے سر سے قصد پا بوسی کرے
گر تِرے آنکھوں کے دیکھے سرخ ڈوروں کو حنا
مت ملا مہ طلعتوں سے ہاتھ کیوں تڑوائے ہے
پنجۂ خورشید سے پوچھ ان کے زوروں کو حنا
جوں رگِ برگِ گلِ احمر بنا دے ہے یہاں
دو گھڑی میں اسکے ہر ناخن کی کوروں کو حنا
مہر و مہ رنگ شفق سے سرخ ہیں یہ صبح و شام
ملتے ہیں خون جگر دیکھ ان سکوروں کو حنا
دزدیٔ رنگِ حنائی جو کرے ہیں اے نصیر
دے ہے ہاتھوں ہاتھ بندھوا ایسے چوروں کو حنا
شاہ نصیر دہلوی
No comments:
Post a Comment