اک جلتی ریت سی ہے یہاں سے وہاں تلک
منظر دھواں دھواں سا ہے کیوں آسماں تلک
منزل کے سب نشان اڑا لے گئی ہوا
گرد و غبار بن گئے سب کارواں تلک
یادوں کی تتلیوں کے سبھی رنگ اڑ گئے
بے رنگ ہو چکے ہیں سبھی گلستاں تلک
زخمی لبوں پہ آ کے سوالات جم گئے
ہے خون خون درد کی یہ داستان تلک
خوشبو، خیال، خواب، اجالوں کی وادیاں
تیرہ شبی میں ڈوب گئیں بستیاں تلک
حسنیٰ کسی نے روح پہ کچھ وار یوں کیے
باقی نہیں ہے زیست کا کوئی نشاں تلک
حسنیٰ سرور
No comments:
Post a Comment