الجھا ہوں یاد عہد گزشتہ کے جال میں
ڈوبا ہوا ہوں آپ ہی اپنے خیال میں
جو حق تھا دوستی کا ادا میں نے کر دیا
گو اپنی عمر کٹ گئی رنج و ملال میں
اک بت کو میں نے بت سے بنایا خدائے پاک
شامل تھا یہ کرشمہ بھی میرے کمال میں
انجم بنے جو اشک تِری یاد میں گِرے
کیسی ملیں بلندیاں ان کو زوال میں
پرواز کی جو قوتِ پرواز لے اڑی
وہ کون سی کشش تھی تمہارے جمال میں
پرواز نورپوری
رام سروپ شرما
No comments:
Post a Comment